壞腦二三事之：音效卡

今日有朋友問我，他想係電腦加裝音效卡提升音質，驚食電唔夠力，問我駛唔駛換火牛。

其實加裝音效卡無關於火數，反而火牛既另一樣野會影響音效卡。就係噪音。很多電子用品、電器及電腦本身會發出很多低頻既噪音同電磁波，佢地都會影響到音訊產品。情況就好似你手機接收訊號時會影響旁邊的喇叭，發出嗶嗶聲。

一般會玩音效卡既玩家都盡量使用低功耗既硬件，如靜音火牛、低轉速/環保硬碟、低熱量甚至無風扇既顯卡，盡量不使用太高效的CPU或甚至機箱不安裝風扇等。雖然好多音效卡都會加裝銅片以遮擋電磁波同雜噪，但一個唔嘈既火牛係必需的。

其次就係輸出裝置既配合。音效既輸出，當然就係喇叭或者耳機。坊間音效卡大致分幾類，內置-即安裝在電腦內，外置-即不需安裝在電腦內；亦有分類比、數碼或類比數碼混合；另外還有一種專門供耳機用的音效卡。想要靚聲，要注意的地方比靚畫面多很多。地方，硬件，軟件，專業起來連電壓同線材都有研究之至，每一樣野都需要配合。

當然，係咪要玩到咁，見仁見智。對於我來說，換一個靚耳機就經已「提升」不少。